पहिलो खेलः नेपालले ओमनविरुद्ध खेल्ने

ताजा समाचारको लागि फलो गर्नुहोस ।

चरिकोट –नेपाली राष्ट्रिय क्रिकेट टोलीले ओमनसँग खेल्दै आईसीसी विश्वकप क्रिकेट लीग दुई प्रतियोगिताको उद्दघाटन गर्ने भएको छ ।

कीर्तिपुरस्थित त्रिवि मैदानमा भोलिदेखि शुरू हुने उक्त प्रतियोगितामा सहभागिता जनाउनका लागि ओमन र अमेरिका नेपाल आइसकेका छन् । नेपालले आफ्नो उद्दघाटन खेलमा ओमनलाई पराजित गर्दै जीत निकाल्ने लक्ष्यसहित मैदानम उत्रनेछ ।
यही माघ २९ गतेसम्म चल्ने खेलमा नेपाल, ओमान र अमेरिकाले त्रिकोणात्मक सिरिज खेल्दैछन् जसमा कूल ६ खेल हुनेछन् । हरेक टोलीले समान दुईरदुई खेल खेल्नेछन् । नेपालले आफ्नो दोस्रो खेलमा अमेरिकासँग माघ २५ गते खेल्नेछ भने तेस्रो खेलमा नेपालले ओमानसँग माघ २६ खेल्नेछ । त्यसैगरी नेपाले आफ्नो अन्तिम खेल अमेरिकासँग माघ २९ खेल्नेछ ।

त्यस्तै लिग दुईमा नेपालसहित स्कटल्यान्ड, संयुक्त अरब इमिरेट्स (युएई), नामिबिया, ओमान, पपुवा न्युगिनी र अमेरिका छन् । नेपालबाहेक अन्य राष्ट्रहरुले आफ्नो पहिलो खेल खेलिसकेका छन् । अहिलेसम्म अंक तालिकामा अमेरिका शीर्ष स्थानमा छ ।

Shares

Dikshan Online TV

Be the first to comment on "पहिलो खेलः नेपालले ओमनविरुद्ध खेल्ने"

Leave a comment

Your email address will not be published.


*