नेकपा दोलखाको अध्यक्षमा दाहाल र सचिवमा बुढाथोकी

चरिकोट– नेपाल कम्युनिष्ट पार्टी (नेकपा) दोलखाको अध्यक्षमा नेता भिमप्रसाद दाहाल वन्ने पक्का भएको छ । कार्यदलका नेताले दहालको मात्र नाम अध्यक्ष सिफारिस गरेसँगै उनी अध्यक्ष बन्ने पक्का भएका हुन । दोलखाको अध्यक्ष पद पुर्व एमालेको भागमा परेको थियो । सोही अनुसार जिल्ला अध्यक्षका लागि ६ जना दावेदारी प्रस्तुत गरेका हुन

। एकताका लागि गठित कार्य दलले नेता भिमप्रसाद दहाललाई अध्यक्ष पदका लागि शिफारिस गर्ने निर्णय गरेको हो । नेकपाको जिल्ला अध्यक्षमा भिमप्रसाद दाहाल, प्रोणप्रताप केसी, बसन्तराज कार्की, गोपाल न्यौपाने र भुवनसिँह थापा अध्यक्षको दावेदार थिए । दहाल दोलखाको बैतेस्वर गाउँपालिका ४ काब्रे निवासी नेता हुन् । काठमाण्डौंमा कलेज पढ्दा देखि अखिलको राजनीतिमा होमिएका नेता दाहाल सरल तर कडा स्वभावका हुन् । उनी बिद्यार्थी राजनीति हुँदै पार्टी राजनीतिमा प्रवेश गरेका थिए । दाहाल तत्कालिन नेपाल कम्युनिष्ट पार्टी माले दोलखाको सदस्यता प्राप्त गर्ने ६ जना सदस्य मध्ये एक पर्दछन् । नेकपा मालेले तत्कालिन समयमा भूमिगत राजनीति गर्ने बेला दाहाल छैंठौं नम्बरको सदस्य बनेका थिए । नेता जितविर लामा, पशुपति चौंलागाई, ईन्द्रवहादुर खड्का, लालकुकार केसी र शिवप्रसाद भण्डारी पछि दाहाल पार्टीको ६ नम्बरको सदस्य बनेका थिए ।

पार्टी एकिकृत हुनु पूर्व एकिकृत नेकपा माओवादीको जिल्ला सह सँयोजकको जिम्मेवारीमा रहेका नेता कुलवहादुर बुढाथोेकी एकिकृत पार्टीको जिल्ला सचिव हुने करिव निश्चित भएको छ । पूर्व माओवादी नेताहरु वीचको छलफलवाट नेकपा दोलखाको अध्यक्ष भिमप्रसाद दाहाल हुने करिव निश्चित भएपछि सचिवमा कुलवहादुर बुढाथोकीको नाम पहिलो नम्बरमा प्रस्ताव भएको हो