दोलखाबाट सालकको खपेटा सहित रामेछापका १ जना पक्राउ

चरिकोट –दुर्लभ वन्यजन्तु सालकको सपेटा सहित दोलखाको किर्नेटारबाट प्रहरीले एक जनालाई पक्राउ गरेको छ । पक्राउ पर्नेमा रामेछाप जिल्ला गोकुलगँगा गाँउपालिका वडा न ५ बस्ने २० वर्षिय प्रल्हाद खड्का रहेको दोलखा प्रहरी प्रमुख बासुदेव पाठकले बताए । मंगलबार बेलुका दोलखाको तामाकोशी गाँउपालिका वडा न ५ किर्नेटारबाट पक्राउ परेको खड्काको साथबाट प्रहरीले २ किलो ६ सय ग्राम सालकको खपेटा बरामद गरेको छ । दुर्लभ संरक्षित वन्यजन्तु सालकको खपेटा विक्रि वितरणको लागि लगिदै गरेको भन्ने गोप्य सुचनाको आधारमा खटेको प्रहरीको विशेष टोलिले दुईवटा मोटरसाइकल सहित खड्कालाई पक्राउ गरेको थियो । प्रहरीले बा ९१ प ५८४४ नं. को मोटरसाइकलबाट १ जनालाई पक्राउ गरेको र बा ८३ प २९१९ न को मोटरसाइलमा सवार १ जना मोटर साइकलनै छाडेर भागेकाले मोटरसाइकल नियन्त्रणमा लिई अनुसन्धान गरी खोजी भई रहेको प्रहरीले जनाएको छ । दोलखामा पछिल्लो समय सालको तस्करी गर्नेहरुको गिरोह बढदै गएको छ । यहि असोज २० गते मात्र प्रहरीले २ केजी ९ सय ग्राम खपेटा सहित २ जनाई पक्राउ गरेको थियो ।