माथिल्लो तामाकोसि आयोजनाको भोली ब्रेक थ्रु हुँदै, सिभिलतर्फको काम करिब ९० प्रतिशत सकिएको जानकारी

ताजा समाचारको लागि फलो गर्नुहोस ।

चरिकोट(दीस)– दोलखाको लामावगरमा निर्माणाधीन चार सय ५६ मेगावाटको माथिल्लो तामाकोशी जलविद्युत आयोजनाको निर्माण कार्य अन्तिम चरणमा पुगेको छ । आयोजनाको मुख्य सुरुङको आइतबार ‘ब्रेक थ्रू’ हुँदैछ । आयोजनाका लागि निर्माण हुनुपर्ने आठ दशमलव दुई किलोमिटरको मुख्य सुरुङ निर्माण कार्य भोली सम्पन्न हुने भएको हो । आयोजना प्रमुख विज्ञान श्रेष्ठले सिभिलतर्फको काम करिब ९० प्रतिशत सकिएको जानकारी दिए । उनका अनुसार इलेक्ट्रोमेकानिकलका लागि सामानहरु आयोजना स्थलमा पुर्याउने काम जारी छ । सडक विभागले खाँडीचौरदेखि सिंगटीसम्मको प्रवेश मार्ग कालोपत्रेको काम गरिरहेकाले ‘हेभी इक्विपमेन्ट’ आयोजना स्थलसम्म पुर्याउन कठीन भएको अधिकारीहरुले बताएका छन् । आयोजनाको अहिले विद्युतगृहमा उपकरण जडानको काम समेत सुरु भैसकेको छ । आयोजना प्रवक्ता गणेश न्यौपानेले कंक्रिटको काम द्रुत गतिमा अघि बढाउन रातदिन काम भइरहेको र टर्बाइन र प्रसारणलाइन निर्माणको काम पनि जारी रहेको जानकारी दिए । प्रसारणलाइनका लागि ठड्याउनुपर्ने एक सय ४७ वटा पोलमध्ये २९ वटा पोल निर्माण कार्य पनि सकिएको छ, अव १६ वटा मात्र बाँकी छन् । आयोजना प्रमुख श्रेष्ठका अनुसार आगामी असार मसान्तसम्ममा सिभिलको काम सकेर विद्युत उत्पादन गर्ने आयोजनाको लक्ष्य छ । डिसेम्बर २०१८ देखि नियमित उत्पादन शुरु भए पनि सबै निर्माण सकेर व्यापारिक उत्पादन सुरु गर्न थप ६ महिना लाग्ने छ । ायोजनाले प्रभावित क्षेत्रका बासिन्दालाई दिनुपर्ने सेयर चुनावलगत्तै निष्कासनको तयारी गरेको छ । त्यसमा क, ख र ग वर्गमा विभाजन गरी जिल्लाबासिलाई शेयर वितरण गरिनेछ । आयोजनाको लागत ३५ अर्ब ३० करोड रुपैयाँ रहेपनि भुकम्पका कारण बढ्नसक्ने अनुमान छ ।उक्त रकम वाहेक सरकारले आयोजनाका लागि ११ अर्ब आठ करोड रुपैयाँसम्म लगानी गर्ने निर्णय गरिसकेको छ । राष्टिय गौरवको माथिल्लो तामाकोसि आयोजना स्वदेशी लगानीमा निर्माण हुन लागेको हो ।

Shares

Dikshan Online TV

Be the first to comment on "माथिल्लो तामाकोसि आयोजनाको भोली ब्रेक थ्रु हुँदै, सिभिलतर्फको काम करिब ९० प्रतिशत सकिएको जानकारी"

Leave a comment

Your email address will not be published.


*