कोरोना भाइरसको आशंकामा फिबर क्लिनिकमा जँचाउन आउने बढे

ताजा समाचारको लागि फलो गर्नुहोस ।

ईश्वर बिश्वकर्मा
चरिकोट, चैत्र २७
चरिकोटमा रहेको प्राथमिक स्वास्थ्य केन्द्र, प्रस्तावित चरिकोट अस्पतालमा फिबर क्लिनिक सञ्चालनमा आएपछि कोरोना भाइरसको आशंकामा आउनेको संख्या बढ्दै गएको छ ।
लकडाउन लागु भएसँगै रुघाखोकी र ज्वरोको बिरामीलाई सेवा दिन अस्पतालले सञ्चालन ल्याएको
क्लिनिकमा आउने मानिसको संख्या बढ्दै गएको हो । अस्पतालका सुचना अधिकारी शान्ति प्रसाद न्यौपानेले भने ” यो समय मौसम परिवर्तनको समय हो ‌। जसले गर्दा ज्वरो, रुघाखोकीले सताइरहन्छ । तर यहि समय विश्वमा नै संक्रमण फैलिएको अवस्थामा सोहि संक्रमण भएको त्रासले फिबर क्लिनिकमा मानिसहरू  गरेका छन् ।”
उनका अनुसार बुधबारसम्म सांढे ७ सय जना क्लिनिकमा आएर जँचाएका छन् । जसमा १ सय २६ जनामात्र ज्वरो र रुघाखोकी देखिएको थियो भने ६ सय २४ जना मानिसमा त्यस्तो कुनै समस्या देखिएको थिएन । ३ सय ९४ महिला र ३ सय ५६ जना पुरुषले क्लिनिकबाट सेवा लिएका थिए । ज्वरो र रुघाखोकी भएका व्यक्तिहरुलाई भने औषधी सेवन गरि होम क्वारेन्टाइनमा बसिरहेको सुचना अधिकारी न्यौपानेले बताए । क्लिनिकमा आउने व्यक्तिहरुलाई अन्य बिरामीसँग सम्पर्क नहुने र भिडभाड कम गरि उच्च सावधानी पुर्वक जँचाउने गरिएको उनले बताए ।
अस्पतालको बहिरङग सेवा (ओपिडी) बन्द गरिएको छ । आकस्मिक सेवा २४ सै घन्टा खुल्ला रहेको छ ।
आकस्मिक सेवा लिनेको सँख्या २ सय भन्दा बढी
अस्पतालको आकस्मिक सेवा २ सय भन्दा बढी व्यक्तिले सेवा लिएका छन् । चैत्र ११ गतेदेखि बुधबारसम्म २ सय ५५ जना बिरामीहरुले सेवा लिएको सुचना अधिकारी न्यौपानेले जानकारी दिए । जसमा महिला १ सय २४ र पुरुष १ सय ३१ जनाले अस्पतालबाट आकस्मिक सेवा लिएका छन् ।जसमध्ये ४ जनालाई रिफर गरिएको उनले बताए ।अस्पतालबाट दिर्घ रोगीले नियमित खानुपर्ने औषधि लगि सेवन गरिरहेका छन् । क्लिनिक र आकस्मिक सेवा गरि अस्पतालबाट १ हजार ५ जनाले उपचार तथा औषधी सेवा लिएको अस्पतालले जनाएको छ ।

 

Shares

Dikshan Online TV

Be the first to comment on "कोरोना भाइरसको आशंकामा फिबर क्लिनिकमा जँचाउन आउने बढे"

Leave a comment

Your email address will not be published.


*