काठमाडौं । इन्डियन प्रिमियर लिग (आईपीएल) क्रिकेटमा दिल्ली डेयरडेभिल्सले आफ्नो अन्तिम खेल साविक विजेता मुम्बई इन्डियन्ससँग खेल्दैछ । यसअघिका लगातार दुई खेलमा समान १–१ विकेट लिएका सन्दीप लामिछानेले मुम्बईविरुद्ध कति विकेट लिन सक्लान् त ?
यतिबेला सबै क्रिकेटप्रेमीलाई रोहित शर्माको कप्तानीमा रहेको मुम्बई विरुद्ध सन्दीपले कति विकेट लेलान् र कस्तो प्रदर्शन गर्छन् भन्ने कौतूहल छ । दिल्लीले आफ्नो अफिसियल फेसबुक पेजमा सन्दीपको फोटो राख्दै कति विकेट लिन्छन् भनेर समर्थकलाई प्रश्न गरेको छ ।
नेपाली समयअनुसार ४ बजेर १५ मिनेटमा फिरोज शाह कोट्ला रंगशालामा दिल्ली र मुम्बईबीचको खेलमा नेपालका सन्दीप लामिछाने पनि हुनेछन् । यसअघि खेलेका दुई खेलमा उत्कृष्ट प्रदर्शन गर्दै विकेटसमेत लिएका सन्दीपले आजको खेलमा पनि विकेट लिने क्रिकेटप्रेमीको अनुमान छ ।
सन्दीपले यसअघि रोयल च्यालेन्जर्स बेंग्लोर विरुद्धको डेब्यु खेलमा प्रभावकारी प्रदर्शन गर्दै ४ ओभरमा मात्र २५ रन खर्चेर १ विकेट लिएका थिए । त्यस्तै, चेन्नई सुपर किंग्स विरुद्धको खेलमा अझै उत्कृष्ट प्रदर्शन गर्दै ४ ओभरमा २१ रन खर्चेर १ विकेट लिएका थिए
Be the first to comment on "सन्दीप आज पनि मैदानमा, कति विकेट लेलान् मुम्बईविरुद्ध ?"