बाबुराम शर्मा (चरिकोट)–गौरीशङकर गाउँपालिका–५ सुरीमा रहेका लोपोन्मुख सुरेल समुदायको अभिलेखीकरणका लागि प्रकाशित पुस्तक गाउँपालिकालाई हस्तान्तरण गरिएको छ । सुरेल समुदायका शुभ चिन्तक एवम लेखक मधुसुदन आचार्यद्वारा लिखित सुरेल जातिको उत्पत्ति, धर्म र संस्कृतिःएक परिचय नामक पुस्तक स्थायी र व्यवस्थित अभिलेखीकरणका लागि दस्तावेजका रुपमा यो पुस्तक हस्तान्तरण गरिएको बताइएको छ । लोपोन्मुख सुरेल समुदायको कहीँ कतै पनि अभिलेखीकरण नै नहुँदा परिचित समेत हुन पाएका छैनन् । पुस्तकका लेखक आचार्यले भन्नु भयो, सुरेलकाबारे कसैले जान्न चाहे कहीँ कतै अभिलेख नै छैन । अभिलेखसम्म पनि नहुँदा दाताहरुले चाहेर पनि सहयोग गर्न सकेका छैनन् । देशमा लोकतन्त्र गणतन्त्र आएको छ तर सुरेल समुदायले महसुस गर्नसम्म पनि पाएका छैनन् । सँधै निमुखा भएर पुरानै लयमा निर्वाहमुखी जीवन बिताइरहका उनीहरुको पहिचान हुन सकोस् भन्ने हेतुले गाउँपालिका र वडालाई समेत अभिलेखीकरण गरिदिन सुरेलबारे झल्कने यो पुस्तक हस्तान्तरण गरिएको उहाँले बताउनु भयो । प्रकाशित पुस्तकमा दोलखा र दार्जिलिङमा रहेका सुरेलको तथ्याङक, पुरुष र महिलाको अन्य जातिसँग भएको वैवाहिक विवरण, विधवा र विदुर, अध्ययनरत विद्यार्थी संख्या,भाषालगायत उल्लेख रहेको छ । पुस्तकमा भाषा संरक्षणका लागि वर्णानुक्रममा करिब डेढ हजार शब्दमा नेपाली, सुरेल र अङग्रेजी भाषामा प्रकाशित गरिएको छ । यसै अवसरमा नेपाल निजामति कर्मचारी युनियन दोलखा शाखाका अध्यक्ष टीकाबहादुर केसीले गाउँपालिकामा नव निर्वाचितन जनप्रतिनिधीहरुलाई पाँच वर्षे कार्यकालको शुभकामना सहित सिन्दुर टीका लगाएर खादा ओढाई स्वागत गर्नु भयो ।
सुरेल समुदायको अभिलेखीकरणका लागि प्रकाशित पुस्तक गाउँपालिकालाई हस्तान्तरण
![](http://www.dikshannews.com/wp-content/uploads/2022/06/f22-777x437.jpg)
ताजा समाचारको लागि फलो गर्नुहोस ।
Posted By: दीक्षण दैनिक ६ असार २०७९, सोमबार २०:४३
![](http://www.dikshannews.com/wp-content/uploads/2017/11/cropped-dikchayan.jpg)
११ श्रावण २०८१, शुक्रबार ११:१६
काफ्लेलाई सामाजिक विकास मन्त्रालयको जिम्मेवारी
११ श्रावण २०८१, शुक्रबार ११:४०
आज भीमेश्वर मन्दिरमा क्षमापूजा गरिँदै
११ श्रावण २०८१, शुक्रबार ११:२३
पहिरोमा परी तीन जनाको मृत्यु
११ श्रावण २०८१, शुक्रबार १२:३६
भारतले धान, चामल निर्यातमा कर लगाउँदा, आयात ह्वात्तै घट्यो
११ श्रावण २०८१, शुक्रबार १६:२५
Be the first to comment on "सुरेल समुदायको अभिलेखीकरणका लागि प्रकाशित पुस्तक गाउँपालिकालाई हस्तान्तरण"